PSC ibibigay lahat ng kailangan ng mga atleta sa Asian Games
MANILA, Philippines — May mga dapat ibigay sa mga national athletes para mapaganda ang kanilang performance sa mga international competitions, kagaya ng darating na 19th Asian Games sa Hangzhou, China.
Isa rito ang mga equipments na hindi nagkaroon ang Team Philippines sa pagsalang sa nakaraang 32nd Southeast Asian Games sa Cambodia.
“We need ultrasound and laser machines. I didn’t find any. We should bring our own machines. We will make improvements for the coming Asian Games,” wika kahapon ni Philippine Sports Commission (PSC) chairman Richard Bachmann sa Philippine Sportswriters Association Forum sa Rizal Memorial Sports Complex.
Sa kabila nito ay humakot pa rin ang mga Pinoy athletes ng kabuuang 58 gold, 85 silver at 117 bronze medals para tumapos sa fifth place.
Sunod na lalahok ang mga atleta sa Hangzhou Asiad na nakatakda sa Setyembre.
Nakasama ni Bachmann sa weekly session sina PSC Commissioners Olivia ‘Bong’ Coo, Walter Torres, Edward Hayco at Matthew ‘Fritz’ Gaston.
“Dapat talaga ma-upgrade ang facilities natin para hindi na kailangan pumunta pa sila sa ibang lugar to hone their skills,” ani Coo, isang legendary bowler. “Kailangan din more exposure lalo na yung sa high level.”
Kumolekta ang Pinas ng apat na gintong medalya sa nakaraang Asian Games sa Palembang at Jakarta, Indonesia mula kina Tokyo Olympics gold medalist Hidilyn Diaz sa weightlifting, golfer Yuka Saso sa individual at team events at skateboarder Margielyn Didal.
- Latest
