Canino mataas ang respeto kay Tubu

MANILA, Philippines — Parehong super rookies sina Angel Canino ng De La Salle University at Trisha Tubu ng Adamson University na malaki ang nai-aambag sa kani-kanyang koponan sa UAAP Season 85 women’s volleyball tournament.

Nagharap na sina Canino at Tubu kung saan nanaig ang Lady Spikers sa Lady Falcons sa pamamagitan ng 22-25, 25-14, 25-16, 25-19 desisyon.

Pinamunuan ni Canino ang La Salle matapos magpako ng 21 puntos at 17 receptions.

Sa kabilang banda, nagsumite naman si Tubu ng 13 puntos para sa Lady Falcons.

Nangunguna sina Canino at Tubu sa karera sa Rookie of the Year award.

Subalit walang nakikitang rivalry si Canino laban kay Tubu.

“I don’t really look at it that we (have rivalry) as super rookies,” ani Canino.

Mataas ang respeto ni Canino kay Tubu dahil sa husay nito sa paglalaro.

“I respect her. She has her name and I have mine. I have a huge respect for her because she has big contributions to her team. She’s not just a mere player on the court, she’s a player that you can really depend on inside the court. I really have a huge respect for her,” ani Canino.

Matapos ang laban kontra sa Adamson, naghahanda na ang La Salle sa matinding pagsubok na haharapin ng kanilang tropa.

Sunod na makakaharap ng Lady Spikers ang defending champion National University bukas kung saan itataya ng La Salle ang malinis na 6-0 rekord nito.