Donaire naghahanap ng away
MANILA, Philippines — Kumpiyansa ang kampo ni Nonito ‘The Filipino Flash’ Donaire, Jr. na makakahanap sila ng makakalaban ng dating world five-division champion para sa bakanteng World Boxing Council (WBC) bantamweight title.
Umatras kasi si Australian Jason Moloney (25-2-0, 19 KOs) sa kanila sanang bakbakan ni Donaire (42-7-0, 28 KOs).
Nagtakda ang WBC ng February 17 deadline para sa mag-aagawan sa nasabing bantamweight crown na iniwan ni Japanese star Naoya Inoue (24-0-0, 21 KOs).
“I guess the bantamweight division has a new monster,” sabi ni Probellum at company co-founder Richard Schaefer sa 40-anyos na si Donaire. “The old ‘Monster’, Naoya Inoue left but the division has a new monster and his name is Nonito Donaire.”
Tinalo ni Inoue si Donaire para sa World Boxing Association (WBA) title noong Nobyembre ng 2019 at sa kanilang June 2021 rematch para sa WBC crown.
“We will see who the WBC will find to challenge us, but Nonito Donaire will become world champion once again,” ani Schaefer.
- Latest
