Fajardo, Thompson namuno sa botohan
MANILA, Philippines — Nangunguna sina June Mar Fajardo ng San Miguel Beer at Scottie Thompson ng Barangay Ginebra sa botohan para sa pagbabalik ng PBA All-Star Weekend.
Nakalikom na si Fajardo ng 37,915 boto mula sa mga fans, habang nakadikit naman si Thompson na may 37,759 boto.
Matatapos ang botohan sa Pebrero 15.
Sa oras na matapos ang deadline ay papangalanan na ang mga maglalaro sa All-Star Weekend na gaganapin sa Marso 9 hanggang 12 sa Passi, Iloilo City.
May 24 players ang maglalaro sa All-Star Weekend.
Nasa No. 3 spot si Japeth Aguilar ng Barangay Ginebra tangan ang 37,322 boto, habang ikaapat si Jamie Malonzo ng Gin Kings (32,988) at ikalima si Calvin Abueva ng Magnolia (32,503).
Nasa listahan din sina CJ Perez ng Beermen (31,184), Christian Standhardinger ng Gin Kings (29,821), James Yap ng Rain or Shine (28,117), LA Tenorio ng Gin Kings (28,027) at Stanley Pringle ng Gin Kings (27,441).
Ang iba pang nasa botohan ay sina Terrence Romeo (24,821), Jayson Castro (24,408), Paul Lee (24,126), Robert Bolick (23,468), Roger Pogoy (20,042), Chris Newsome (19,637), Jeremiah Gray (18,875), Mikey Williams (18,826), Marcio Lassiter (18,556), Arvin Tolentino (18,444), Mark Barroca (17,139), Gabe Norwood (15,448), Calvin Oftana (15,427) at Kevin Alas (15,205).
Hindi lamang players ang pinagbobotohan dahil kasama rin ang mga coaches na nais ng fans na humawak sa mga teams sa All Star Weekend.
- Latest
