Sistema ni Alinsunurin kuha na ng Titans
MANILA, Philippines — Matapos ang ilang bigong pagtatangka, optimistiko ang Choco Mucho na mas magiging maganda ang takbo ng kanilang tropa sa pagsisimula ng Premier Volleyball League All-Filipino Conference sa Pebrero 4 sa Smart Araneta Coliseum.
Bago ang head coach ng Flying Titans sa ngalan ni veteran mentor Dante Alinsunurin.
At sa bagong sistema ng tropa ay tiwala si middle blocker Bea De Leon na makakapasok sa podium ang Choco Mucho.
“For this conference, we are definitely looking at the podium finish. With our new coach, we’re confident that we can do just that,” ani De Leon.
Sapul nang sumali ang Flying Titans sa liga noong 2019 ang pinakamataas na pagtatapos nito ang dalawang beses na ikaapat na puwesto sa Open Conference noong 2021 at 2022.
Sinabi ni De Leon na mabilis na nakakasabay ang kanilang koponan sa sistema ni Alinsunurin.
Umaasa itong magiging maganda ang resulta ng kanilang pagsisikap sa ilalim ng paggabay ni Alinsunurin.
“I think we’re adjusting really well with the new system. He is a very quiet man but he teaches very well. Hopefully, little by little, in time for the season, we can fully grasp his system,” kuwento pa ni De Leon.
Solido pa rin ang Choco Mucho dahil tanging si outside hitter Ponggay Gaston lamang ang nawala sa lineup.
Nagpasya si Gaston na lumundag sa Chery Tiggo.
- Latest
