Tolentino pinuri si Kubler

MANILA, Philippines — Naibulsa nina Filipino-Australian Jason Kubler at Australian partner Rinky Hijikata ang korona sa men’s doubles ng prestihiyosong Australian Open sa Melbourne, Australia.

Pinuri ni Philippine Olympic Committee (POC) president Rep. Abraham “Bambol” Tolentino ang tagumpay ni Kubler na isa na namang karangalan para sa bansa.

“It’s something that we Filipinos—and the POC—should be proud of and cherish,” ani Kubler na may Pinay na ina at Australian na ama.

Hindi itinatanggi ni Kubler ang pagkakaroon nito ng dugong Pinoy.

Kita ito sa kanyang mga social media accounts kung saan may flag ng Pilipinas ang bio nito.

“We know that a part of him is Filipino and Jason showed that to the world. We’re really proud of him for winning a grand slam title not only for Australians but also for his fellow Filipinos,” dagdag ni Tolentino.

Tinalo nina Kubler at Hijikata sina Hugo Nys at Jan Zielinski sa finals sa pamamagitan ng 6-4, 7-6 (4) panalo para makuha ang kampeonato.

Ito ang unang Grand Slam title nina Kubler at Hijikata.

Inihalintulad ni Tolentino si Kubler kay Filipino-Canadian Leylah Fernandez na nakapasok sa finals ng US Open noong 2021.