Pacquiao haharap sa matinding laban
MANILA, Philippines — Lalabanan ni Pinoy boxing icon Manny Pacquiao ang Paradigm Sports Management Managament (PSM) sa korte sa America sa Marso.
Idinemanda ni PSM founder at chief executive Audie Attar ang 44-anyos na si Pacquiao noong Hunyo ng 2021 dahil sa breach of contract.
Ito ay matapos piliin ni Pacquiao na harapin si unified welterweight world champion Errol Spence Jr. kesa kay Mikey Garcia na itinakda ng PSM sa kanya.
Bigo ang PSM na pigilan ang nasabing Pacquiao-Spence fight noong Agostot 21, 2021 matapos ibasura ni Judge Walter Schwarm ang injunction na isinampa ng grupo ni Attar.
Ngunit hindi natuloy ang laban dahill sa pagkakaroon ng eye injury ni Spence, habang sinagupa ni Pacquiao si replacement opponent Yordenis Ugas.
Natalo si Pacquiao kay Ugas via unanimous decision sa Las Vegas para sa pinakahuling pro fight ni ‘Pacman’.
Nagbabala ang PSM sa mga promoters, managers, fighters at broadcast networks na huwag makialam o makipagnegosasyon para kay Pacquiao.
Samantala, kumpiyansa si longtime associate Jayke Joson na malalampasan ng Pinoy boxing legend ang mabigat na pagsubok sa kanya.
“As Manny Pacquiao’s longtime friend and ally before — and even now I always consider him as my brother — I really wish him all the best despite the hardships we’ve been through last year as we’re all just human beings,” sabi ni Joson.
Hiniling din ni Joson kay Pacquiao na makipag-ayos sa PSM.
“But with the trial now slated in March, I’m praying for my friend to be enlightened, make amends, reach out to Paradigm Sports Management, and hope to get the best result at the end of the day,” ani Joson.
Noong Disyembre ay tinalo ni Pacquiao si Korean YouTuber DK Yoo sa kanilang exhibition match sa South Korea.
- Latest