^

PSN Palaro

Up-Ateneo part 2 sa UAAP finals

Russel Cadayona - Pilipino Star Ngayon
Up-Ateneo part 2 sa UAAP finals
Inangatan ni Malick Diouf ng UP ang tatlong UP players para sa kanyang tangka.
Russell Palma

MANILA, Philippines —  Hindi na binigyan ng nagdedepensang University of the Philippines ng pagkakataon ang National University na makahirit ng ‘do-or-die’ game sa Final Four.

Humakot si foreign athlete Malick Diouf ng 17 points para akayin ang No. 2 Fighting Maroons sa 69-61 pagsibak sa No. 3 Bulldogs patungo sa Finals ng  UAAP Season 85 men’s basketball tournament kahapon sa Smart Araneta Coliseum.

Samantala, tinalo ng No. 1 Ateneo De Manila University ang No. 4  Adamson University, 81-60, patungo sa kanilang ikaanim na sunod na championship appearance.

Inayos ng Blue Eagles ang kanilang title rematch ng Fighting Maroons.

Nagdagdag din ang 6-foot-11 na Senegal native ng 21 rebounds, 3 blocks at 2 assists para sa pagbabalik ng Diliman-based team sa UAAP Finals at puntiryahin ang back-to-back title.

“We’re happy that we’ll be getting another chance to win the championship,” ani coach Goldwin Monteverde sa kanyang tropa na nagdala ng ‘twice-to-beat’ advantage sa Final Four.

Isang 11-0 run ang inilaglag ng UP para tapusin ang laro matapos kunin ng NU ang 61-59 bentahe sa huling dalawang minuto ng fourth quarter.

Ang three-point shot ni JD Cagulangan sa huling 53.3 segundo ang nagbigay sa Fighting Maroons ng 66-61 kalamangan kasunod ang mintis sa po­sesyon ng Bulldogs.

Samantala, lumapit ang NU Lady Bulldogs sa pagkagat sa pang-pitong sunod na titulo matapos gibain ang La Salle Lady Archers, 93-61.

Ang Lady Archers ang tumapos sa makasaysa­yang 108-game winning streak ng Lady Bulldogs nang itakas ang 61-57 overtime win noong Nob­yembre 23. 

MALICK DIOUF

Philstar
  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with