E-Painters vs Road Warriors para sa No. 8 berth
MANILA, Philippines — Isa lang sa NLEX at Rain or Shine ang makakapasok sa quarterfinal round ng 2022 PBA Commissioner’s Cup.
At tiyak na walang magbibigayan sa dalawa.
Pag-aagawan ng Road Warriors at Elasto Painters ang No. 8 seat sa isang playoff match ngayong alas-6:30 ng gabi sa Philsports Arena sa Pasig City.
Ang mananaig sa dalawa ang maghahamon sa No. 1 Bay Area Dragons na may hawak na ‘twice-to-beat’ advantage sa quarterfinals.
Iniwan ni coach Yeng Guiao ang NLEX bago magsimula ang torneo para bumalik sa bakuran ng Rain or Shine.
Si Frankie Lim ang pumalit kay Guiao.
Nauna nang tinalo ng Road Warriors, ginabayan ni assistant coach Adonis Tierra, ang Elasto Painters, 96-90, sa eliminasyon.
“They’re playing well, at least better now,” sabi ni Guiao sa NLEX na nasa two-game winning streak.
“Maybe they’re getting their rhythm and getting used to a new system. So it’s going to be a big challenge,” dagdag pa nito.
Nakalasap naman ang Rain or Shine ng 90-106 kabiguan sa No. 2 Magnolia noong Biyernes.
- Latest
