Jazz dapa sa Bulls
SALT LAKE CITY — Nagsalpak si DeMar DeRozan ng 26 points para pangunahan ang Chicago Bulls sa 114-107 pagpapabagsak sa Utah Jazz.
Kumolekta si Zach LaVine ng 20 points, 6 rebounds at 5 assists para sa 9-11 kartada ng Bulls na nakahugot kay Nikola Vucevic ng 16 points at 10 rebounds.
Umiskor naman si Lauri Markkanen ng 32 points para sa 12-11 marka ng Jazz na nakakuha kina Kelly Olynyk at Collin Sexton ng 23 at 17 markers, ayon sa pagkakasunod.
Inihulog ng Chicago ang Utah sa kanilang pang-limang sunod na talo.
Isang 10-0 atake ang pinamunuan ni DeRozan para ibigay sa Bulls ang 78-73 abante sa third period bago tuluyang iwanan ang Jazz sa 94-82 sa pagsisimula ng fourth quarter.
Sa Denver, humakot si Nikola Jokic ng 32 points at 12 rebounds at nag-ambag si Jamal Murray ng season-high na 31 markers sa 129-113 dominasyon ng Nuggets (13-7) sa Houston Rockets (5-15).
Sa Boston, kumamada si Jayson Tatum ng 35 markers sa 140-105 paggupo ng Celtics (17-4) sa Charlotte Hornets (6-15).
Sa Washington, tumipa si Kristaps Porzingis ng career-high na 41 points sa 142-127 panalo ng Wizards (11-10) sa Minnesota Timberwolves (10-11).
- Latest