Lady Spikers itatayo ang 2-0 record sa SSL
MANILA, Philippines — Hangad ng De La Salle University na maipagpatuloy ang magandang ratsada sa Shakey’s Super League Pre-season Collegiate Championships sa Rizal Memorial Coliseum sa Vito Cruz, Manila.
Makakatipan ng Lady Spikers ang reigning NCAA champions na College of Saint Benilde Lady Blazers ngayong sa alas-3 ng hapon sa Pool D.
Maghaharap rin ang Far Eastern University at Colegio de San Juan de Letran sa alas-12:30 ng tanghali.
Sa iba pang laro, magtutuos ang Lyceum of the Philippines University at Emilio Aguinaldo College sa alas-10 ng umaga at maglalaban ang University of the East at San Beda University sa alas-5:30 ng hapon.
Galing ang La Salle sa 25-13, 19-25, 21-25, 25-22, 15-8 panalo kontra sa FEU sa kanilang unang asignatura para makuha ang 1-0 rekord.
Nagtuwang sa naturang panalo sina Aleiah Malaluan, Jolina Dela Cruz, Leila Cruz, Thea Gagate at playmaker Marione Alba.
Nagmula naman ang Lady Blazers sa masaklap na 20-25, 25-24, 25-19, 20-25, 11-15 pagkatalo sa Lady Tamaraws noong Setyembre 24 sa kanilang huling laro.
- Latest