Archers, Skippers tanaw na ang Finals
MANILA, Philippines — Inilapit ng EcoOil-La Salle at Marinerong Pilipino ang kanilang mga sarili para sa isang championship showdown.
Ito ay matapos gibain ng Green Archers ang Adalem Construction-St. Clare Saints, 89-74, at talunin ng Marinerong Pilipino Skippers ang Apex Fuel-San Sebastian Golden Stags, 74-66, sa Game One ng 2022 PBA D-League Aspirants’ Cup semifinals series kahapon sa Smart Araneta Coliseum.
Kumamada si Schonny Winston ng 24 points, 4 assists, 3 rebounds at 3 steals para igiya ang EcoOil-La Salle sa 1-0 abante sa kanilang best-of-three semis wars ng Adalem-St. Clare.
Isang panalo na lang ang kailangan ng Green Archers laban sa Saints para angkinin ang championship ticket.
Sa unang laro, humugot ang Marinero ng 16 points, 10 rebounds at 7 assists kay Juan Gomez de Liaño sa paggupo sa Apex-SSC habang may 15 at 14 markers sina Arvin Gamboa at Jollo Go, ayon sa pagkakasunod.
- Latest