Swimming pag-uusapan sa TOPS
MANILA, Philippines — Tatalakayin nina Batangas 1st District Rep. Joseph ‘Eric’ Buhain at dating national swimming coach Carlos ‘Pinky’ Brosas ang estado ng Philippine swimming sa kanilang pagbisita sa Tabloids Organization in Philippine Sports, Inc. (TOPS) ‘ Usapang Sports’ sa Behrouz Restaurant, 50 Scout Tobias-Sct. Fernandez, Timog, Quezon City.
Ang lingguhang sports forum na itinakda ngayong alas-10:30 ng umaga ay itinataguyod ng Philippines Sports Commission (PSC), Games and Amusement Board (GAB), PAGCOR at Behrouz.
Ilalatag ni Buhain, Isang two-time Olympian, SEA Games record holder at Philippine Sports Hall of Famer, ang kanyang mga program sa kanyang mga ihahaing panukalang batas na magpapalakas sa grassroots sports program ng bansa.
Ang dating chairman ng Philippines Sports Commission (PSC) at Games and Amusement Board (GAB) ay nahalal bilang Congressman para sa 1st District ng Batangas sa National Election noong Mayo.
Makakasama ni Buhain sa programa si Brosas na tatalakay sa mga programa at proyekto ng Congress of Philippine Aquatics, Inc. (COPA).
Inaanyayahan ang mga miyembro at opisyal pati ang mga sports fans na lumahok sa talakayan na mapapanood via live streaming sa opisyal na Facebook page ng TOPS.
- Latest
