Marinero pasok sa semis
MANILA, Philippines — Inangkin ng No. 4 Marinerong Pilipino ang ikatlong semifinals berth, habang humirit ng ‘do-or-die’ game ang No. 6 Builders Warehouse-UST sa 2022 PBA D-League Aspirants’ Cup.
Sinibak ng Skippers ang No. 5 Centro Escolar University Scorpions, 75-66, at ginulat ng Tigers ang No. 3 Adalem Construction-St. Clare Saints, 98-93, sa kani-kanilang quarterfinals games kahapon sa Smart Araneta Coliseum.
Kumolekta si Juan Gomez de Liaño ng 17 points, 8 assist at 7 rebounds at may 17 markers si Jollo Go tampok ang tatlong three-point shots para sa Skippers.
“Nagkaroon talaga kami ng problema noong hindi healthy iyong players pero masaya kami na kumpleto kami,” ani coach Yong Garcia.
Samantala, humataw si Kean Baclaan ng 35 points para ihatid ang No. 6 Builders Warehouse-UST sa 98-93 paggulat sa No. 3 Adalem Construction-St. Clare.
Pinuwersa ng Tigers ang Saints sa ‘do-or-die’ game sa Miyerkules para sa ikaapat at huling semis berth.
- Latest