Hidilyn idedepensa ang gold
MANILA, Philippines — Idedepensa ngayon ni Tokyo Olympics gold medalist Hidilyn Diaz ang kanyang korona sa 31st Southeast Asian Games sa Hanoi, Vietnam.
Pupuntiryahin ni Diaz ang kanyang ikalawang ginto sa women’s 55 kilogram category ng weightlifting na dinomina niya noong 2019 Manila SEA Games.
“Hindi man naging madali ang preparasyon, challenging din ulit bumalik sa competition shape,” ani Diaz. “Pero dahil alam ko na may misyon pa ako at may goal ako kasama ang #TeamHD, patuloy ang laban.”
Bumuhat din ng gold medal noong 2019 Manila SEA Games si Kristel Macrohon (+71 kg) habang may silver sina Tokyo Olympian Erleen Ann Ando (64kg), Margaret Colonia (59kg) at John Ceniza (55kg).
Bukod kina Diaz, Macrohon, Colonia at Ando, ang iba pang miyembro ng women’s team sa Vietnam SEA Games ay sina reigning Asian champion Vanessa Sarno (-71kg), Asian Championships silver winner Mary Flor Diaz (45kg) at Rosegie Ramos (49kg).
Nasa men’s squad sina Nestor Colonia (67kg), Fernando Agad (55kg), John Dexter Tabique (-89kg), Rowel Garcia (61kg), John Kevin Padullo (+89kg) at Lemon Tarro (73kg).
- Latest
