Fil-Aussie swimmer positibo sa COVID-19
MANILA, Philippines — Nalagasan kaagad ang national swimming team na sasabak sa 31st Southeast Asian Games sa Hanoi, Vietnam.
Ito ay matapos magpositibo sa coronavirus disease (COVID-19) si Fil-Australian Luke Gebbie.
Sa isinagawang RT-PCR test para sa lahat ng mga atleta, coaches at opisyales na papasok sa Vietnam, lumabas na positibo si Gebbie sa virus.
Si Gebbie ang naging kinatawan ng bansa sa Tokyo Olympics kung saan naitala niya ang bagong Philippine record sa 100m freestyle event (49.64).
Bahagi rin si Gebbie ng men’s 4x100m freestyle relay na nakapilak noong 2019 SEA Games sa Pilipinas, habang nakatanso rin siya sa 50m freestyle.
Si Gebbie ang national record holder sa 50m freestyle (22.57) at 50m butterfly (24.34).
Tatlong miyembro ng kickboxing ang nagpositibo sa COVID-19.
- Latest