Giannis nilampasan si Jabbar; Bucks pasok sa playoffs

NEW YORK — Nagsumite si Giannis Antetokounmpo ng 44 points, 14 rebounds at 6 assists para tulungan ang nagdedepensang Milwaukee Bucks sa 120-119 overtime win laban sa Brooklyn Nets.

Inungusan ni Antetokounmpo (14,216 points) si le-gend Kareem Abdul-Jabbar (14,211 points) sa pagiging all-time scoring leader ng Bucks (48-28) para hablutin ang playoff berth sa Eastern Conference.

Posibleng magharap ang Milwaukee at ang Brooklyn (40-37) sa first round ng playoffs.

Kasalukuyang No. 2 ang Bucks sa Eastern Confe-rence habang No. 8 ang Nets sa Western Conference.

Ang record-setting triple ni Antetokounmpo ang nagtulak sa Milwaukee sa overtime at ang dalawa niyang free throws ang sumelyo sa kanilang panalo sa Brooklyn.

Sa Chicago, humataw si DeMar DeRozan ng season-high 50 points sa 135-130 overtime victory ng Bulls (45-32) sa Los Angeles Clippers (37-40).

Sa Detroit, iniskor ni Saddiq Bey ang 10 sa kanyang 20 points sa hu-ling apat na minuto para sa 102-94 pagdaig ng Pistons (21-56) sa Philadelphia 76ers (46-30).