Visa ni Djokovic kinansela uli
MELBOURNE — Muling kinansela ng Australian government sa ikalawang pagkakataon ang visa ni World. No. 1 tennis player Novak Djokovic dahil hindi pa siya bakunado laban sa COVID-19 na maaaring maglagay sa mga mamamayan nito sa panganib.
Sinabi kahapon ni Immigration Minister Alex Hawke na gumamit siya ng discretionary powers para kanselahin ang visa ni Djokovic.
Nauna nang pinalabas ang Serbian netter sa immigration detention noong Lunes.
Dahil dito ay hindi na makakapasok si Djokovic sa Australia sa loob ng tatlong taon maliban na lamang sa ibang mahalagang dahilan.
Dumating si Djokovic sa Australia noong Enero 5 at sinasabing nabigyan ng visa noong Nobyembre 18 at exemption na inaprubahan ng Tennis Australia chief medical officer at isang Victorian government independent expert panel.
Matapos kuwestiyunin sa Melbourne airport ay kinansela ang visa ni Djokovic ng isang opisyal ng home affairs minister.
- Latest
