Iba ang US Women’s Open sa Olympics — Saso
MANILA, Philippines — Bagama’t pinagreynahan ang nakaraang 2021 US Women’s Open noong Hunyo ay iginiit ni Fil-Japanese golfer Yuka Saso na iba ang labanan pagdating sa Olympic Games.
Sisimulan bukas nina Saso at Bianca Pagdanganan ang kampanya ng Team Philippines sa paghataw ng women’s golf sa Kasumigaseki Country Club.
“I think it will be a different experience compared to majors because I never really thought or watched golf in the Olympics. I watched Rio,” sabi ng 20-anyos na si Saso. “But I think it’s a good chance to meet different athletes from different countries and learn from them, too.”
Makakasabay ni Saso, ang World No. 9, sa first at second round sina Lexi Thompson ng US at Brooke Henderson ng Canada sa alas-7:25 ng umaga (Manila time).
Bumawi ang Fil-Japanese na si Saso sa isang one-shot deficit kay Thompson para makapasok sa final round ng US Women’s Open kung saan niya tinalo si Japanese Nasa Hataoka sa playoff.
Una namang hahataw si Pagdanganan sa alas-6:52 ng umaga.
Hangad ng 23-anyos na si Pagdanganan na maduplika ang pagbuhat ni weightlifter Hidilyn Diaz sa kauna-unahang Olympic gold medal ng Pilipinas.
Noong 2018 Asian Games ay kumuha si Pagdanganan ng bronze medal sa women’s individual event at gold sa team event kasama sina Saso at Lois Kaye Go.
- Latest
