Gilas yuko sa Jordan- A
MANILA, Philippines — Bigo ang Gilas Pilipinas na magarbong tapusin ang eliminasyon matapos yumuko sa Jordan-A sa iskor na 84-72 sa 10th King Abdullah Cup na ginaganap sa Prince Hamzah Sport Hall sa Amman, Jordan.
Maganda naman ang simula ng Gilas Pilipinas na nakakuha pa ng 41-36 kalamangan sa pagtatapos ng first half.
Subalit rumatsada ng husto ang host team sa third quarter kung saan hindi nakasabay ang Pinoy cagers para hatakin ng Jordan-A ang 67-56 bentahe.
Nagpatuloy ang matikas na kamada ng Jordan-A sa fourth quarter upang tuluyang payukuin ang Gilas Pilipinas.
Nanguna para sa Gilas Pilipinas si Jordan Heading na nagtala ng 15 puntos tampok ang apat na three-pointers.
Tinapos ng Gilas ang eliminasyon bitbit ang 2-2 rekord upang malaglag sa third seed sa semis habang umangat ang Jordan-A sa 3-1 marka para makuha ang No. 2 seed.
- Latest