Donaire saludo kay Dasmarinas
MANILA, Philippines — Sa kabila ng kabiguan, pinuri ni reigning World Boxing Council (WBC) bantamweight champion Nonito “The Filipino Flash” Donaire ang tapang na ipinakita ni Michael Dasmarinas laban kay Naoya Inoue.
Alam ni Donaire ang kalidad ni Inoue dahil nakasagupa na nito ang Japanese fighter.
“I felt those shots before and I know how much they hurt,” ani Donaire sa panayam ng Fight Hype.
Kaya naman saludo si Donaire sa tatag ni Dasmarinas bagama’t nabigo itong maagaw ang World Boxing Association (WBA) at International Boxing Fe-deration (IBF) titles ni Inoue.
Lumasap si Dasmarinas ng third round technical knockout loss kay Inoue noong Linggo sa Virgin Hotels sa Las Vegas,
Personal na pinanood ni Donaire ang laban nina Dasmarinas at Inoue.
Nasa venue rin si World Boxing Organization (WBO) king John Riel Casimero.
Nagpasalamat naman si Dasmarinas sa lahat ng sumuporta sa kanyang laban.
“First of all, thank God for my safety and to all my family, friends, manager, and trainer thank you for the support. I did my best in the fight but I lost,” ani Dasmarinas.
Sa kabilang banda, inaasahang makakasagupa ni Inoue ang mananalo sa unification fight nina Donaire at Casimero sa Agosto 14 (Agosto 15 sa Maynila).
- Latest
