Margielyn magsasanay sa Amerika
MANILA, Philippines — Sasabak si national skateboarder Margielyn Didal sa isang 18-day training camp sa United States bago magtungo sa Tokyo, Japan para sa 2021 Olympic Games.
Nagmula ang 2018 Asian Games at 2019 Southeast Asian Games gold medalist sa matagumpay na kampanya sa Street Skateboarding Championships sa Rome, Italy kung saan niya nakamit ang Olympic berth.
Pumuwesto si Didal sa No. 13 para mapabilang sa 20-member Olympic cast.
Kamakalawa ay umuwi ang 21-anyos na skateboarder sa Cebu City para muling makasama ang kanyang pamilya at mga kaibigan sa loob ng 11 araw bago bumiyahe sa US para magsanay sa Sta. Monica at Los Angeles bilang paghahanda sa Tokyo Olympics.
“I know how much Margie wanted to be with her family and the satisfaction it will give her before going to the Olympics,” sabi ni Phi-lippine Olympic Committee (POC) president Abraham ‘Bambol’ Tolentino.
- Latest
