Saso nakakuha ng tips kay Mcllroy

MANILA, Philippines — Nakakuha ng magandang advice si reigning US Women’s Open champion Yuka Saso sa kanyang iniidolong si Rory McIlroy.

Sa kanilang pagkikita sa US Open practices, may ilang tanong na ibinigay si Saso kay McIlroy.

Isa na rito ang “How did you get to your level for a long time?”

Hindi naman nabigo si Saso dahil mabilis na tumugon si McIlroy.

Nagbigay ng tips si McIlroy kung saan inililista nito sa isang journal ang mga mangyayari sa kanyang practice session.

“It’s boring, but doing the same thing over and over again. I would say, every practice session, everything you work on, write something else,” ani McIlroy.

Madalas na ginagaya ni Saso ang mga golf moves ni McIlroy sa pamamagitan ng paulit ulit nitong panonood sa kanyang training sessions.

“This swing felt like my right hip was going through, whatever it is, you know what the feeling is. Then writing that feeling is a really good thing to do,” ani McIlroy.

Nangako rin si McIlroy ng buong suporta kay Saso sa mga susunod na torneong lalahukan nito.