FIBA ACQ delegates dumating na
MANILA, Philippines — Nagsimula nang dumating kahapon ang iba’t ibang delegasyong sasabak sa FIBA Asia Cup Qualifiers na idaraos mula Hunyo 16 hanggang 20 sa Clark, Pampanga.
Unang dumating ang Indonesia sa pangunguna ni Serbian head coach Rajko Toroman kasama si naturalized player Lester Prosper na isa sa mga inaabangan sa lineup ng Indonesian squad.
Sa paglapag pa lamang ni Toroman sa Pilipinas, wala itong bukambibig kundi magagandang salita para sa Gilas Pilipinas.
Hindi na bago si Toroman sa sistema ng basketball sa bansa dahil naging coach na rin ito ng Gilas Pilipinas sa nakalipas.
“We arrived early morning, then the coaching staff and the players will arrive today,” ani Toroman.
Naniniwala si Toroman na malakas ang bagitong tropa ng Gilas Pilipinas lalo pa’t nariyan sina Angelo Kouame at Kai Sotto.
“The Philippines will be very strong. This young squad is extremely talented, athletic and hungry, especially with Kouame and Sotto,” ani Toroman.
Maliban sa Indonesia, nakatakdang dumating kahapon ang South Korea, Japan at China.
- Latest
