Norwood pabor sa closed-circuit
MANILA, Philippines — Pabor ang ilang PBA players sa planong closed-circuit bubble setup ng pamunuan ng liga para sa PBA Season 46 Philippine Cup.
Malayo ang pagkakaiba ng closed-circuit bubble kumpara sa full bubble na ginamit noong nakaraang taon para tapusin ang Season 45 Philippine Cup.
Ayon kay Rain or Shine star Gabe Norwood, mas makatutulong sa mental health ang closed-circuit dahil araw-araw pa ring magkakasama at makikita ng mga players, coaches at officials ang kanilang pamilya.
“In terms of mental health, we players have different kinds of needs and situations. Personally, me, having my wife and kids or guys who might be single, used to being alone, or just extroverts, used to be around people, they kind of stay sane and focused on what they’re trying to do,” ani Norwood sa programang Power and Play.
Aminado si Norwood na hindi magiging madali ang closed-circuit setup lalo na sa usaping pangkaligtasan ng pamilya.
- Latest