Key players may tsansa pa sa National Team
Sa PVL Open Conference huhugutin
MANILA, Philippines — Magsisilbing basehan ng Philippine National Volleyball Federation (PNVF) ang Premier Volleyball League (PVL) Open Conference para punan ang nalalabing slots sa national team.
Ayon kay women’s national team head coach Odjie Mamon, may ilang slots pa itong kailangan sa koponan kabilang na ang libero, setter at outside hitter positions.
“We definitely need another setter and another libero because the current ones we have on the lineup are young. So we need a veteran libero to beef up the team,” ani Mamon.
Dahil dito, may pagkakataon pang makapasok sa national team ang ilang key players na bigong makapunta sa volleyball tryouts noong Abril sa Subic.
Kabilang na rito sina Alyssa Valdez, Kalei Mau, Rhea Dimaculangan, Kim Fajardo, Dindin Santiago-Manabat, Jia Morado at Dawn Macandili.
Wala rin sa tryouts sina Myla Pablo, Ces Molina, Kat Tolentino, MJ Phillips, Kim Dy, Alleiah Malaluan, Risa Sato, Bea De Leon, Maddie Madayag, Marist Layug, Thea Gagate at Lorene Toring.
Mayroon lamang 16 players ang nasa pool.
Pasok sina Jaja Santiago, Aby Maraño, Majoy Baron, Eya Laure, Mylene Paat, Iris Tolenada, Kamille Cal, Faith Nisperos, Ivy Lacsina, Mhicaela Belen, Dell Palomata, Ria Meneses, Imee Hernandez, Jennifer Nierva at Bernadette Pepito.
Hahawakan din ang Pinay spikers ni Brazilian coach Jorge Edson Souza de Brito na inaasahang darating sa bansa sa susunod na buwan.
- Latest