Tsukii handang-handa na sa Olympic qualifying
MANILA, Philippines — Hindi huminto si national karateka Junna Tsukii sa pag-eensayo sa hangaring makakolekta ng silya sa 2021 Olympic Games na idaraos sa Tokyo, Japan.
Sa paggiya ng isang karate world champion ay kasalukuyang nagsasanay si Tsukii, ang 2019 Southeast Asian Games gold medalist, sa Serbia para sa preparasyon sa World Karate Championship sa Paris, France.
Nagmula si Tsukii sa pag-angkin sa gold medal ng female kumite -50 kilogram class sa nakaraang World Karate Federation (WKF) Premier League sa Lisbon, Portugal.
“I need to get a medal there. If I can get medal, I’m sure I can go to Olympics,” sabi ng Fil-Japanese karateka sa nasabing pinakahuling Olympic qualifying tournament na nakatakda sa Hunyo 11-13.
Tumaas ang 29-anyos na si Tsukii sa No. 8 sa world rankings ng female kumite -50 kilogram division dahil sa kanyang panalo sa nasabing Premier League sa Lisbon
Bukod kay Tsukii, tatarget din ng Olympic spot sina 2019 SEA Games gold medal winner Jamie Lim, Fil-American Joanne Orbon, Ivan Agustin, Shariff Afif, Alwyn Batican at Jason Macaalay.
- Latest