Gilas 3x3 labas muna sa Calambubble

MANILA, Philippines — Pansamantalang binasag ng Gilas Pilipinas 3x3 ang training camp nito sa Calambubble upang mag-asikaso ang buong delegasyon ng travel requirements para sa FIBA Olympic Qualifying Tournament sa Austria.

Ilang araw na lang bago tumulak ang buong dele­gasyon para sa Olympic qualifying tournament na idaraos sa Mayo 26 hanggang 30.

Ngunit matapos maayos ang lahat ng dokumento, agad na babalik ang Gilas 3x3 squad sa Inspire Sports Academy sa Calamba, Laguna para sa final phase ng preparasyon nito.

Bahagi ng koponan sina Mo Tautuaa, CJ Perez, Joshua Munzon at Alvin Pasaol habang kasama rin sina Santi Santillan at Karl bilang practice players.

Ginagabayan ang tropa ni Gilas 3x3 coach Ronnie Magsanoc.

“With their commitment and sacrifice, I can say that the players are really all-in,” ani Magsanoc.

Habang nasa labas ng bubble, tuloy ang workout ng Gilas 3x3 sa pamamagitan ng zoom.