Elreen Ando kumopo ng 2-silver, 1-bronze

MANILA, Philippines — Dalawang silver at isang bronze medal ang binuhat ni national weightlifter Elreen Ando sa 2021 Asian Weightlifting Championships sa Tashkent, Uzbekistan.

Ang dalawang pilak na medalya ng 2019 Southeast Asian Games silver medalist ay mula sa kanyang itinalang 119 kilogram sa clean & jerk at total lift na 213kg. sa women’s 64kg division.

Naglista ang 25-anyos na si Ando ng 94kg. sa snatch para sa tansong medalya sa nasabing Asian Olympic qualifying kung saan pormal na sinikwat ni Hidilyn Diaz ang kanyang 2021 Olympic Games ticket.

Tumapos si Diaz, ang 2016 Rio de Janeiro Olympics silver medalist, sa ikaapat na puwesto sa women’s 55kg. category.

Bukod kay Ando, kumuha rin ng tatlong  silver si Mary Flor Diaz sa women’s 45kg category sa kanyang total lift na 135kg. habang nagtala siyang 60kg. sa snatch at 75kg. sa clean and jerk.

Samantala, nagtapos sa pang-pito si Margaret Colonia sa women’s 59kg. division sa kayang total lift na 176kg.

Lalaban naman sa kani-kanilang weight divisions sina 2019 Asian juniors champion Vanessa Sarno, 2019 Southeast Asian Games gold me-dalist Kristel Macrohon at John Dexter Tabique sa kani-kanilang mga weight classes.