Fernandez may payo kay Sotto

MANILA, Philippines — Pabor si four-time PBA MVP Mon Fernandez sa ginawa ni Kai Sotto na bumalik sa Amerika upang ipagpatuloy ang kanyang pangarap na makapaglaro sa NBA.

Ayon kay Fernandez, mas maganda ang training sa Amerika na malaki ang maitutulong upang lubos na mahasa ang kanyang abilidad.

Ang experience na matututunan nito sa kaliwa;t kanang training camp sa Amerika ang magdadala sa kanya sa mas magandang estado sa mundo ng basketball.

“Ang masasabi ko lang, tama ‘yung ginawa niya na nagpunta siya sa States at doon siya nag-training,” ani Fernandez na commissioner din sa Philippine Sports Commission.

Sinabi pa ni Fernandez na kailangan ng 7-foot-3 Pinoy cager na sumabak sa malalakas na tournaments hindi lamang sa Amerika maging sa Europa upang mas mapataas ng level ng kanyang paglalaro.

“He should look for the highest level of competition abroad and he can only find that in the States or in Europe, especially now that he’s growing in years. Tamang-tama yan,” ani Fernandez.

Nagtraining si Sotto sa  kasama ang GIlas  noong Pebrero, ngunit bumalik na uli sa US.