Jokic itinala ang ika-54 career triple-double

DENVER — Ipinoste ni center Nikola Jokic ang kanyang ika-54 career triple-double sa tinapos na 26 points, 14 assists at 13 rebounds para sa 121-119 pag-eskapo ng Nuggets sa San Antonio Spurs.

Nagdagdag si Michael Porter Jr. ng 22 points at may 21 markers si reserve Monte Morris para sa Nuggets (34-18).

Pinamunuan ni Derrick White ang Spurs (24-26) sa kanyang 25 points.

Sa Los Angeles, humataw si Kawhi Leonard ng 31 points at may 26 markers si Reggie Jackson para banderahan ang 126-109 panalo ng Clippers (36-18) sa Houston Rockets (14-38).

Sa New Orleans, humugot si Zion Williamson ng 14 sa kanyang 37 points sa fourth quarter sa 101-94 tagumpay ng Pelicans (23-29) sa Philadelphia 76ers (35-17).

Sa Milwaukee, umiskor si Miles Bridges ng 26 points para banderahan ang Charlotte Hornets (27-24) sa 127-119 paggiba sa Giannis Antetokounmpo-less Bucks (32-20).

Sa Boston, humataw si Jayson Tatum ng career-high 53 points kasama ang 18 sa fourth quarter at overtime sa 145-136 pagdaig ng Celtics (27-26) sa Minnesota Timberwolves (13-40).

Sa Orlando, tumipa si Aaron Holiday ng 20 points at nagtala si Domantas Sabonis ng 16 points, 15 rebounds at 6 assists sa 111-106 pagwawagi ng Indiana Pacers (24-27) sa Magic (17-35).

Sa New York, umiskor si RJ Barrett ng 20 points para tulungan ang Knicks (26-27) sa 133-129 overtime win sa Memphis Grizzlies (26-24).

Sa Atlanta, kumamada si Trae Young ng 42 points sa 120-108 pagdagit ng Hawks (28-25) sa Chicago Bulls (22-29).