PBA Press Corps virtual Awards Night papagitna ngayon
MANILA, Philippines — Pormal na igagawad sa mga top performers ng 2019 PBA season at 2020 bubble tournament ang kani-kanilang mga tropeo sa PBA Press Corps virtual Awards Night ngayon sa TV5 Media Center.
Magiging special guests sina champion coaches Tim Cone ng Barangay Ginebra at Leo Austria ng San Miguel kasama sina PBA Commissioner Willie Marcial at PBA Board chairman Ricky Vargas ng TNT Tropang Giga sa event na inihahandog ng Cignal TV.
Ang special program na pamamahalaan nina hosts Rizza Diaz at Carlo Pamintuan ay ipapalabas sa PBA Rush bukas ng alas-7 ng gabi.
Si Cone, iginiya ang Gin Kings sa korona ng 2020 PBA Philippine Cup bubble sa Clark, Pampanga, ang tatanggap ng Outstanding Coach of the Bubble award.
Ibibigay naman kay Austria ang 2019 Baby Dalupan Coach of the Year trophy matapos niyang ihatid ang Beermen sa back-to-back titles sa 44th season, kasama rito ang record na pang-limang sunod na All-Filipino crown.
Igagawad kay Marcial ang Mr. Executive habang tatanggapin ni Vargas ang 2019 Danny Floro Executive of the Year.
- Latest
