Harden, Irving bumida sa Nets
OKLAHOMA CITY , Philippines — Humataw sina James Harden at Kyrie Irving ng tig-25 points para banderahan ang Brooklyn sa 147-125 panalo laban sa Thunder bagama’t ipinahinga ng Nets si Kevin Durant.
Nagpasya si Brooklyn head coach Steve Nash na bigyan ng break si Durant, ang NBA No. 2 scorer, patungo sa pagtatala ng kanilang 13-8 record.
Pinamunuan ng 19-anyos na si rookie Theo Maledon ang Oklahoma City sa kanyang 24 points tampok ang perkepekong 6-of-6 shooting sa three-point range.
Sa Minneapolis, nagposte si Joel Embiid ng 37 points at 11 rebounds para pamunuan ang 118-94 tagumpay ng Philadelphia 76ers (14-6) sa Minnesota Timberwolves (4-14).
Sa Orlando, nagsumite si Paul George ng 26 points, 9 rebounds at 5 assists at may 24 markers si Kawhi Leonard para igiya ang Los Angeles Clippers (15-5) sa 116-90 paggupo sa Magic (8-12).
Sa New Orleans, humataw si Lonzo Ball ng season-best 27 points para ihatid ang Pelicans (7-10) sa 131-126 pagdig sa Milwaukee Bucks (11-7).
Sa iba pang resulta, tinalo ng Atlanta Hawks ang Washington Wizards, 116-100 habang pinayuko ng San Antonio Spurs ang Denver Nuggets, 119-109.
- Latest