‘Sports politics’ tigilan na! — Romero
Sa hanay ng mga NSAs
MANILA, Philippines — Solidong suporta ang dapat ibigay ng mga National Sports Associations (NSAs) kay Philippine Olympic Committee (POC) re-elected president Abraham “Bambol” Tolentino.
Ito ang panawagan ni Deputy Speaker Mikee Romero (1Pacman Partylist) sa lahat ng sports leaders at mga major stakeholders para sa hangad na kauna-unahang Olympic Games gold medal ng bansa.
“We have to plan and work as one because the coming Tokyo Games is really our best chance,” ani Romero. “No more politics in sports because it destroys the three values of Olympism which are excellence, friendship and respect.”
Tanging sina pole vaulter Ernest John Obiena, gymnast Carlos Edriel Yulo at boxers Eumir Felix Marcial at Irish Magno pa lamang ang nakakuha ng tiket para sa 2021 Olympics na gagawin sa Tokyo, Japan.
“They are the country’s top gold medal prospects so far but I am looking forward for more qualifiers,” wika pa ni Romero.
Tinalo ni Tolentino, ang kinatawan ng Tagaytay City sa Kongreso at pangulo ng cycling federation, si archery chief Clint Aranas sa POC elections noong Biyernes para makuha ang four-year term.
“It’s better that they work with Cong. Bambol for the sake of Philippine sports,” dagdag ng dating amateur basketball godfather.
Bukod sa 2021 Tokyo Olympics ay sasabak din ang mga national athletes sa 31st Southeast Asian Games sa Vietnam, sa 4th Asian Youth Games at 6th Asian Beach Games sa China at sa 6th Asian Indoor and Martial Arts Games sa Thailand.
- Latest
