Olympic hopefuls prayoridad ni Tolentino
Mabigyan ng COVID-19 vaccine
MANILA, Philippines — Hindi lamang ang mga bayaning frontliners at mga mahihirap ang dapat mabigyan ng bakuna para sa coronavirus disease (COVID-19).
Sinabi ni Philippine Olympic Committee (POC) incumbent president Abraham “Bambol” Tolentino na pipilitin niyang mabigyan din ng bakuna para sa COVID-19 ang mga Olympic Games hopefuls.
“Pipilitin natin. Kasi kung nakalagay sa mga policies na uunahin ang Metro Manila, dapat kami ng PSC (Philippine Sports Commission) ay nagkakasundo diyan na nasa Metro Manila nga itong mga national athletes, eh ‘di kasama ito kung pagbabatayan natin ang Mero Manila,” ani Tolentino.
Dahil sa COVID-19 pandemic ay iniatras ang Olympic Games sa Tokyo Japan sa susunod na taon.
Tanging sina pole vaulter EJ Obiena, gymnast Carlos Edriel Yulo at boxers Irish Magno at Eumir Felix Marcial ang mayroon nang Olympic berth.
Kasalukuyan nang nakikipag-usap ang gobyerno sa mga vaccine makers na Sinovac ng China, AstraZeneca ng United Kingdom, US-based Pfizer at Russian Gamaleya.
- Latest