NLEX dinurog ang San Miguel Beermen
Alaska swak sa quarters
MANILA, Philippines — Idinagdag ng mga Road Warriors ang nagdedepensang Beermen sa kanilang ikatlong sunod na biktima.
Kaagad nagdomina ang NLEX sa pagsisimula ng laro patungo sa 124-90, pagbugbog sa San Miguel para palakasin ang kanilang pag-asa sa quarterfinal round ng 2020 PBA Philippine Cup kahapon sa Angeles University Foundation Gym sa Angeles, Pampanga.
Matapos kunin ng Road Warriors, pinaganda ang marka sa 4-5, ang 30-point lead, 67-47, sa halftime ay hindi nakabangon ang Beermen, nahulog sa ikalawang dikit na kabiguan para sa 5-4 record.
“I don’t think may karapatan na kami na to look further other than the next game,” sabi ni NLEX coach Yeng Guiao, nakahugot kay big man Mike Miranda ng career-high 22 points. “We’re just trying to get better.”
Nagdagdag si Kevin Alas ng 19 points para sa Road Warriors at may tig-14 at 11 markers sina Kiefer Ravena at JR Quiñahan at Jericho Cruz, ayon sa pagkakasunod.
Samantala, pinitas ng Alaska (6-4) ang ikaapat na tiket sa quarterfinals makaraang kunin ang 102-94 panalo kontra sa NorthPort (1-7).
º” wika ni coach Jeff Cariaso sa kanyang Aces, nakahugot kina Abu Tratter at Rodney Brondial ang Aces sa kanilang tig-16 points.
Matapos naman ang 0-7 panimula ay nakatikim ng panalo ang Terrafirma nang gibain ang Blackwater, 110-101, sa likod ng 27 points ni CJ Perez.
Naglista si rookie Roosevelt Adams ng mga career-highs 20 points at 16 rebounds para sa 1-7 baraha ng Dyip at may 19 markers si Juami Tiongson.
- Latest