Folayang wala pang balak magretiro

MANILA, Philippines — Muling lumasap ng ka­biguan si E­duard Folayang ngunit wala pa sa isip nito ang magretiro.

Nagtamo si Folayang ng unanimous decision loss kay  Antonio “The Spartan” Caruso ng Australia noong Biyernes ng gabi sa ONE: Inside The Matrix sa Singapore Indoor Stadium sa Singapore.

Gayunpaman, hindi ito magiging hadlang para ipagpatuloy ang kanyang career sa mixed martial arts.

Nais ni Folayang na maging inspirasyon ito upang mas lalo pang magsikap para sa kanyang susunod na laban.

Umaasa si Folayang na muling sisikat ang araw at magbalik ang ningning sa kanyang pangalan.

Bumagsak sa 22-10 ang rekord ni Folayang.

Kaya naman ngayon pa lang, pinag-aaralan na ni Folayang ang mga dapat nitong baguhin at mga pagkakamaling nagawa nito para sa kanyang pagbabalik.