Family’s Brand Sardines todo-suporta sa Philippine men’s 3x3 team
MANILA, Philippines — Solidong suporta ang ibibigay ng Family’s Brand Sardines, isang kilalang backer ng basketball, para sa Philippine men’s 3x3 team na tumatarget sa kauna-unahang Olympic Games berth.
Sumasabak sa regional amateur basketball league na Maharlika Pilipinas Basketball League (MPBL) ni Sen. Manny Pacquiao, pumayag ang Family’s Brand Sardines at ang sister brand nitong Master Sardines ng Universal Canning ang kanilang intensyong suportahan ang national team program.
Kasalukuyang ibinabandera ng Family’s Brand Sardines-Zamboanga City Chooks sina Philippine 3x3 stalwarts Alvin Pasaol, Santi Santillan at Fil-foreign players Joshua Munzon at Troy Rike sa Chooks To Go Pilipinas 3x3 basketball tournament.
Dinomina ng Family’s Brand Sardines-Zamboanga City Chooks ang pre-season at ang first leg ng torneo na nagpatunay ng kanilang kahandaan para sa 2021 Olympic Qualifying Tournament.
- Latest
