Chooks-to-Go 3x3 Pilipinas magiging istrikto
MANILA, Philippines —Kagaya ng Philippine Basketball Association (PBA) ay magiging mahigpit din sa pagpapatupad ng kanilang health at safety protocols ang Chooks-to-Go 3x3 Pilipinas League President’s Cup.
Magsisimula ngayong hapon ang torneo sa loob ng ‘bubble’ sa Inspire Sports Academy sa Calamba, Laguna kung saan kabuuang 12 koponan ang mag-aagawan sa premyong P1 milyon.
“Siyempre, we want to keep the bubble air tight. So we want to ensure na everybody that goes inside the bubble will be free form any COVID virus,” sabi kahapon ni league commissioner Eric Altamirano kahapon sa Philippine Sportswriters Association (PSA) webcast Forum.
Ang Chooks-to-Go 3x3 Pilipinas ang ikalawang professional league na papasok sa loob ng ‘bubble’ matapos ang PBA na ginagawa ang kanilang 2020 Philippine Cup sa Angeles University Foundation Gym sa Angeles City, Pampanga.
Babanderahan ng title favorite Family’s Brand Sardines-Zamboanga City Chooks ang 11 pang tropang sasabak sa torneo kung saan ang Grand Finals sa Oktubre 30.
Ang iba pang koponan ay ang Uling Roasters-Butuan City, Bacolod-Masters Sardines, Nueva Ecija Rice Vanguards, Palayan City Capitals, Zamboanga Peninsula Valientes MLV, Porac Big Boss Cement MSC, Bicol 3×3 Pro, Pasig Sta. Lucia Realtors, Saranggani Marlins, Pagadian City Rocky Sports at Petra Cement-Roxas City Rockies.
- Latest
