DOH, GAB may ayuda sa pro athletes
MANILA, Philippines — Tuloy ang ayuda ng Department of Health (DOH) at Games and Amusements Board (GAB) para sa mga professional athletes na nasa ilalim nito.
Kabilang sa mga makikinabang ng Department Memorandum No. 2020-0445 ni DOH Secretary Francisco Duque III ang mga boxers and mixed martial arts fighters.
Bibigyan ang mga pro-athletes ng libreng serbisyong medikal.
Nilinaw naman ng GAB na tanging ang mga boxers at MMA fighters na may lisensiya ng ahensiya ang maaaring bigyan ng tulong hanggang sa Disyembre 31, 2020.
Naiselyo ang ugnayan ng DOH at GAB sa pamamagitan ng Memorandum of Agreement (MOA).
Masaya si GAB chairman Baham Mitra dahil malaking tulong ito sa mga boxers at MMA fighters lalo pa ngayong panahon ng pandemya.
“Malaking bagay ito para sa ating mga atleta dahil libre ang kanilang medical. Masisiguro ng mga atleta na ‘yung makukuha nilang premyo ay mailalaan lamang nila para sa kabuhayan ng pamilya,” ani Mitra.
Kabilang sa mga libreng serbisyo ng DOH ang diagnostic, medical at neurologic examination gayundin ang ilang medical procedure.
- Latest