Davis, James sanib-puwersa

Nuggets bugbog sa lakers sa game 1

LAKE BUENA VISTA, Philippines — Nagtambal sina Anthony Davis at LeBron James para ihatid ang Los Angeles Lakers sa 126-114 panalo laban sa Denver Nuggets sa Game One ng kanilang Western Conference finals.

Kumamada si Davis ng 37 points and 10 rebounds habang kumolekta si James ng 15 points at 12 assists para sa 1-0 bentahe sa kanilang title series.

“Just started to get in a better rhythm defensively and we started to get some stops in that second quarter and we were able to build that lead up going into halftime,” ani James.

Ang three-point play ni guard Alex Caruso ang nagpasimula sa 17-1 ratsada ng Lakers sa pagbubukas ng second period para iposte ang 53-39 abante laban sa Nuggets.

Humataw pa ng 11-2 atake ang Los Angeles sa third quarter para ibaon ang Denver sa 92-71 patungo sa kanilang panalo.

Binanderahan nina center Nikola Jokic at guard Jamal Murray ang Nuggets sa kanilang tig-21 points.

Nag-ambag si Kentavious Caldwell-Pope ng 18 points at may 13 markers si center Dwight Howard para sa Lakers, nasa conference finals matapos maghari noong 2010.

Nakawala sa Los Angeles ang Game One laban sa Portland Trail Blazers at Houston Rockets sa first at second round, ayon sa pagkakasunod, bago pitasin ang sumunod na apat na laro.

Dalawang beses namang nakabawi ang Denver matapos maiwanan sa 1-3 series deficits kontra sa Utah Jazz at Los Angeles Clippers.