Lockdown kids, hahasain pa ng MILO Best Center online program
MANILA, Philippines — Sa pamamagitan ng virtual online class ay hinihimok ng mga fresh graduates at mga sikat na sports personalities ng BEST Center ng Milo ang mga kabataan na pagbutihin ang kanilang talento.
Ibinahagi ni UAAP MVP at Gilas Pilipinas player Kiefer Ravena sa mga batang basketball players ang sipag niya sa training.
“Iba kasi ang training ngayon, naiiba ang actual BEST Training. Sa Zoom importante ay ma-develop ang mindset kahit hindi tayo nagkikita, kailangan patuloy ako sa pag-eensayo at patuloy sa ginagawa ko,” ani Ravena sa TOPS Usapang Sports On Air kahapon.
“Kaya iyan ang ginagawa ng Best Center Milo for the kids. At the same time sama-sama kami sa training habang dine-develop ang mga bata sa online class,” dagdag pa nito.
Ang Milo Best ay may tatlong online sports program para maipagpatuloy ng mga aspiring basketball players na maitaas ang galing at mas maging mahusay pang atleta habang nasa bahay.
Ang Interactive basketball clinic, BIDA Best at Skills Challenge ang tatlong nadagdag sa Home Court campaign ng Milo.
Isa itong online sports program na hihikayat sa mga magulang at mga bata na tuklasin ang championship level ng partisipante kahit nasa lockdown period.
“Through these programs, parents can help their children advance their basketball skills through various classes and tournaments that espouse BEST Center’s scientific methods,” ani MILO Sports Executive Luigi Pumaren.
- Latest
