Mananagot kayo!
PSC, NBI hahanapin ang kasabwat ni Ignacio sa ‘payroll scam’
MANILA, Philippines — Posible pang may kasapakat ang empleyado ng Philippine Sports Commission (PSC) na si Paul Michael Padua Ignacio sa kinasasangkutan nitong “payroll scam”.
Sinabi kahapon ni PSC Officer-in-Charge (OIC) Ramon Fernandez na hindi niya tatantanan ang nasabing anomalya kung saan sinasabing nakakurakot na si Ignacio ng P14 milyon sa loob ng limang taon.
“We want to get to the bottom of this. Everyone needs to be punished,” ani Fernandez, nakipagpulong kina National Bureau of Investigation (NBI) Deputy Director Vicente De Guzman III at Special Action Unit chief Emeterio A. Dongallo Jr.
“We will go deeper into the matter because the Commissioner (Fernandez) is dead serious in threshing out the anomalous transaction of this group,” ani De Guzman. “Kung mayroong ma-establish na connivance that is something that we will find out in our proper investigation.”
Nabuking ang masamang gawain ni Ignacio nang sumulat ang Land Bank of the Philippines Century Park Hotel branch kay PSC chairman William ‘Butch’ Ramirez noong Hulyo 7 kaugnay sa mga “unusual payroll transactions” sa bank account ni Ignacio.
Ang modus ni Ignacio, ang gumagawa ng payroll register ng mga national athletes at coaches, ay paglilista ng pangalan ng mga athletes at coaches na hindi na dapat kasama sa payroll at ipinapasok sa kanyang sariling bank account.
Hindi alam ni Ignacio na may tinatawag na ‘red flag’ ang mga banko kung saan nito inirereport sa isang ahensya o kumpanya ang mga “unusual payroll transactions” ng isang empleyado.
- Latest
