Legacy ni Pacquiao mas maningning
Kumpara kay Mayweather
MANILA, Philippines — Hindi mapapantayan ng limpak-limpak na salapi ni undefeated American fighter Floyd Mayweather Jr. ang maningning na legasiya ni eight-division world champion Manny Pacquiao sa mundo ng boksing.
Ito ang pananaw ni boxing legend Buddy McGirt na lubos ang paghanga sa Pinoy champion kumpara kay Mayweather na walang ibang ginawa kundi ang ipagyabang ang kanyang kayamanan.
Ayon kay McGirt, hindi biro ang ginawang tagumpay ni Pacquiao na nagkampeon sa walong magkakaibang dibisyon.
“I’d say the eight-division champion because it’s something you will always be remembered for,” ani McGirt.
Iba pa rin ang kayamanang hindi mawawala gaya ng hawak ni Pacquiao.
Wala nang makakabura ng kanyang pangalan sa boxing world bilang isa sa Greatest Boxer of All Time na tunay na dadalhin nito hanggang sa mga susunod na henerasyon.
“You still got a lot of money. You don’t have a billion dollars (like Floyd Mayweather), but you got something your kids and grandkids could remember. It’s a legacy, something that lives on forever,” ani McGirt.
Aminado si McGirt na mahusay rin si Mayweather.
Ngunit kung papipiliin kina Pacquiao at Mayweather, mas nanaisin ni McGirt na pumanig sa Pinoy champion na hinahangaan hindi lamang sa loob ng ring maging sa kanyang personal na pamumuhay.
- Latest