Marcial sa PSA Forum ngayon

MANILA, Philippines — Sasalang si PBA Commissioner Willie Marcial sa webcast edition ng Philippine Sportswriters Association (PSA) Forum ngayong araw.

Ihahayag ng league executive ang naging pakikipag-usap niya sa mga coaches at team managers kasama ang PBA Board para sa pagsisimula ng team practices sa susunod na linggo.

Ang PSA session sa alas-10:30 ng umaga ay inihahandog ng San Miguel Corp., Go For Gold, Amelie Hotel, Braska Restaurant, Philippine Amusement and Gaming Corporation (PAGCOR) at Smart.

Isasaere ang weekly forum sa PSA Facebook page fb.com/PhilippineSportswritersAssociation at sa Radyo Pilipinas 2 facebook page.