Fighting Maroons, Tamaraws may hugot din
MANILA, Philippines — Hindi nagpahuli ang University of the Philippines (UP) at Far Eastern University (FEU) dahil may kani-kanyang hugot din ito para sa UAAP men’s basketball wars.
Mapupunta sa kampo ng Fighting Maroons si Miguel Tan ng Xavier School habang kinuha naman ng Tamaraws si Ximone Sandagon ng Technological Institute of the Philippines.
May ilan pang UAAP schools ang lumiligaw sa 6-foot-5 na si Tan.
Ngunit mas pinili nito ang UP dahil sa mataas na standards nito sa usapin sa edukasyon.
“I picked UP to study there. The education is really good there,” ani Tan.
Naging bahagi si Tan ng Gilas Youth pool sa 2019 FIBA Under-19 World Cup habang miyembro ito ng koponan na sumabak noong 2017 SEABA Under-16 Championship.
Sa kabilang banda, miyembro si Sandagon ng TIP na sumalang sa 2019 PBA D-League Foundation Cup.
Sa naturang torneo, nagtala ang 6-foot-4 ng averages na 7.6 points at 4.1 rebounds kada laro.
Nagdesisyon si Sandagon na lumundag sa FEU matapos i-disband ng TIP ang athletic program nito dahil sa problemang pinansiyal na dulot ng coronavirus disease (COVID-19) pandemic.
Daraan muna si Sandagon sa isang taong residency bago makapaglaro suot ang Tamaraws jersey.
Sa Season 84 pa ito makalalaro kung saan mayroon pa itong tatlong taong playing eligibility.
- Latest