Jazz laban sa Pelicans; Lakers kontra Clippers
Sa opening night ng NBA restart season
NEW YORK -- Dalawang magandang match up ang matutunghayan sa “opening night” schedule na opisyal na inihayag ng NBA kahapon.
Maglalaban sa Hulyo 30 sa Walt Disney World sa Orlando, Florida ang Utah Jazz at ang New Orleans Pelicans at ang Los Angeles Clippers kontra sa Los Angeles Lakers.
Sa Hulyo 31 ay magtutuos ang Orlando Magic at Brooklyn Nets, ang Memphis Grizzlies at Portland Trail Blazers, ang Phoenix Suns at Washington Wizards, ang Boston Celtics at Milwaukee Bucks, ang Sacramento Kings at San Antonio Spurs at ang Houston Rockets at Dallas Mavericks.
Mula rito ay limang laro ang idaraos ng NBA bawat araw sa tatlong magkakaibang courts hanggang sa pagtatapos ng seeding games sa Agosto 14.
Sasabak ang bawat koponan sa tig-walong regular season games.
- Latest
