New York binuksan ang training facilities para sa mga professional sports
NEW YORK -- Inihayag kahapon ni New York Governor Andrew Cuomo na maaari nang bumalik sa kanilang training facilities ang mga professional teams na nasa kanilang estado.
Higit sa dalawang buwan ipinagbawal ng New York City ang pagsasanay ng mga pro teams bunga ng coronavirus disease (COVID-19) pandemic.
“Starting today, all the New York professional sports leagues will be able to begin training camps,” wika ng Democratic Governor sa isang news conference.
Ang New York City area ang isa sa pinakaapektado ng COVID-19 sa United States na ngayon ay bumaba na ang bilang ng mga namatay at nagkaroon ng impeksyon.
Pinag-uusapan din ng NBA, Major League Baseball at NHL ang pagbabalik ng seasons nila kasama ang kanilang mga players’ unions.
“I believe that sports that can come back without having people in the stadium, without having people in the arena — do it! Do it!,” sabi ni Cuomo. “Work out the economics, if you can. We want you up. We want people to be able to watch sports.”
- Latest
