Basilan, Makati masaya sa narating na kampanya sa MPBL Lakan Cup
Francisco Cagape (Pilipino Star Ngayon) - March 12, 2020 - 12:00am

MANILA, Philippines — Kahit ano pa man ang ma­ging resulta sa magka­hi­walay na Division Finals, matagumpay na rin ang kam­panya ng  Basilan Steel at Makati Super Crunch sa 2019-2020 MPBL-Chooks-to-Go Lakan Cup.

Hindi inaasahan na aabot ang Basilan Steel sa best-of-three Finals ng Southern Division makaraang tumapos lamang ang tropa ni head coach Jerson Cabiltes sa pang-12th spot sa 7-18 kartada sa nakalipas na Datu Cup.

Bukod sa pagtuntong sa Finals ay inunahan pa ng Basilan ang Datu Cup South Division champion Davao Occidental Tigers, 1-0, matapos makaeskapo sa Game 1 ng serye, 74-72, noong Lunes sa homecourt mismo ng katunggali.

Sinabi ni coach Cabiltes at team manager Jackson Chua na malakas na ang tiwala ng buong koponan na masungkit ang una ni­lang titulo sa South group sa Game Two ng serye sa kanila ring teritoryo.

Inaasahan din nina Ba­si­lan Rep. Mujiv Hataman, Lamitan Mayor Julz Hataman, Councilor Hegem Furigay at Jimmy de la Cruz ng Jumbo Plastics ang dagsa ng kanilang taga-suporta sa laro na gaganapin sa Lamitan City Gym na siyang sasandalan ng buong koponan sa Miyerkules.

Ang Basilan at Davao Ti­gers ay kasalukuyang nag­lalaban habang isinu­su­lat ang istoryang ito.

Ang Makati naman ay umangat sa Northern Division Finals sa unang pag­ka­­kataon matapos walisin ng Quezon City Capitals, 2-0, sa quarterfinals ng Da­­­tu Cup Conference na pi­­nagharian ng San Juan Knights.

Kasalukuyang nagla-la­ro rin ang Makati at San Juan habang sinusulat ang istoryang ito sa teritoryo ng huli sa Makati Coliseum.

BASILAN STEEL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with