Marinerang Pilipina, Generika agawan sa panalo
Francisco Cagape (Pilipino Star Ngayon) - March 10, 2020 - 12:00am

MANILA, Philippines — Asam ng Marinerang Pilipina at Generika-Ayala ang unang panalo sa kanilang paghaharap nga­yon sa pagpapatuloy ng 2020 Philippine Superliga Grand Prix sa FilOil Flying V Center sa San Juan City.

Magtatagpo ang MPS Lady Spikers at Lifesavers sa alas-7 ng gabi pagkatapos ng sagupaan ng Chery Tiggo at PLDT Home Fibr Hitters sa alas-5 ng hapon.

Kapwa tangan ng Lady Skippers at Lifesavers ang parehong 0-2 win-loss slate kaya mahalaga para sa kanila na masungkit ang panalo upang makapasok sa win-column.

Unang nakatikim ang Lady Skippers ng talo sa mga kamay ng Chery Tiggo, 20-25, 29-27, 21-25, 21-25 Marso 3 at sinundan ng 19-25, 25-21, 28-30, 20-25, talo sa Sta. Lucia Lady Realtors noong Marso 7.

Bigo rin ang Lifesa­vers sa two-peat champion Petron Blaze Spikers sa straight sets, 22-25, 22-25, 21-25, sa opening day noong Pebrero 29.

Ang ikalawang talo ng Generika-Ayala ay sa Cignal HD Spikers, 25-19, 18-25, 20-25, 20-25, noong Marso 3.

Sa iba pang laro, ha­ngad din ng PLDT ni head coach Roger Go­rayeb na tuldukan na ang two-game losing skid upang umakyat sa itaas ng standing na sa ngayon ay pinamumunuan ng Petron, F2 Logistics at Sta. Lucia na hawak ang 2-0 slate.

PHILIPPINE SUPERLIGA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with